ஆண்டான் அடிமை பேதம் ஒழிக்க
செங்கொடி ஏந்தி சென்றோ மே!
ஆனைகள் சேனைகள் ஆயிரம் இருந்தும்
அதனையும் எதிர்த்து வென்றோ மே!
சிகாகோ நகர வீதிகள் ஜெயித்த
உரிமைகள் இன்னும் தொடர்ந்திடு மே!
சிந்தனை மேலும் மேலும் வளரும்
உலகெலாம் செங்கொடி படர்ந்திடு மே!
கட்டித் தங்கம் தராத பலனை
கட்டிய சங்கம் தந்திடு மே!
கூட்டாய் சேர்ந்து குரல் கொடுத்தால்
கேட்டது கைகளில் வந்திடு மே!
தோழா... தோழா... தோளை உயர்த்து
வானம் நமக்கு வசப்படு மே!
துணிந்தால் போதும் துப்பாக்கி வீழும்
தோட்டாக்கள் கூட பயப்படு மே!
பீரங்கி பலம்கொண்ட படைகள் கூட
செந்தொண்டர் படைமுன் தகர்ந்திடு மே!
கொடியை ஏந்தி கோஷங்கள் முழங்கி
வெற்றியை நோக்கி நகர்ந்திடு மே!
உரிமைக் குரலை உரத்து முழங்கு
கோட்டைகள் எல்லாம் பொடிபடு மே!
உழைக்கும் வர்க்கம் ஒன்று திரண்டால்
உலகம் நம்கா லடிபடு மே!
உண்மை நிலை உணர வேண்டும்
உழைக்கும் வர்க்க மே!
உலக மெல்லாம் திரும்ப வேண்டும்
இடது பக்க மே!
குட்டக் குட்டக் குனிந்த முதுகும்
நிமிரப் பார்க்கு மே!
பட்ட பின்னே புத்தி வரும்
பூமி சிவக்கு மே!
சோஷலிஷ சமுதாயம் லட்சிய மே- அதை
சுவைத்திடும் நாள்வரும் நிச்சய மே!
மாற்றம் என்பது அவசியமே-அதை
மாற்றப் போவது மார்க்சிய மே!
-வரத. வசந்தராஜன் 2017
No comments:
Post a Comment